Častka 1:
Častka 2 budzie dastupnaja nieŭzabavie:
Pra stan zdaroŭja
«Moj arhanizm mabilizavany, jon sam siabie padtrymlivaje. Ja dobra siabie adčuvaju».
Pra svajo vyzvaleńnie
«Svajo vyzvaleńnie ja źviazvaju z toj ekanamičnaj situacyjaj, u jakuju trapili biełaruskija ŭłady. Niedachop srodkaŭ viadzie da razvału hetaj sistemy — uładam treba šukać kantakty z Zachadam».
Pra biełaruskuju apazicyju
«Niaklajeŭ, Sieviaryniec, Labiedźka — ambitnyja ludzi, ale jany staviać pierad usim intaresy našaha naroda».
«Ja spadziajusia, što praź niekalki dzion my vypracujem pazicyju što da demakratyčnaha raźvićcia Biełarusi i ahučym jaje. Idzie havorka pra abjadnańnie častki apazicyi, a nie ŭsioj».
Pra supracoŭnictva z Łukašenkam
«Być hierojem — dziciačaje žadańnie. Ja prosta nie nachiliŭsia».
«Čałavieku, jaki zrabiŭ šmat kiepskaha mnie i majoj siamji — i raptam źmianiŭsia, staŭ rabić rečy na karyść krainy, — ja hatovy dapamahać biaskonca. Ale ja nie vieru ŭ heta».
Pra turmu
«U turmie mnie kazali: kali ty stanieš invalidam, my ciabie vypuścim. Abiacajem».
Pra parazu na papiarednich vybarach
«My nie mahli pieramahčy ŭ 2010-m, bo nie było adzinaha kandydata. Spačatku šmat kandydataŭ było plusam — my mahli chadzić pa kvaterach, ahitavać. Ale potym heta stała pamyłkaj, treba było abjadnoŭvacca».
Pra Płošču
«Ludzi viedali, kudy jany iduć, kirujučysia na Płošču. Ale mnie biezumoŭna škada ŭsich, chto paciarpieŭ u toj dzień».
«Na Płoščy byŭ momant, kali chłopiec-śpiecnazaviec paŭzie pa ziamli, i ja mahu jaho ŭdaryć. Ale ja nie zrabiŭ hetaha. Čamu? Ja nie mahu bić hetych chłopcaŭ, jany nie vorahi».
«Ja spadziajusia, što dźviery Doma ŭrada bili biełarusy i što ich za heta nie złavili. Nie chaciełasia b vieryć, što heta rasijanie ci śpiecsłužby».
Pra razmovu pa mabilnym telefonie z ukraincam
«Alaksandr Smancar, ja havaryŭ ź im pa telefonie. Heta biźniesoviec, jaki źjechaŭ va Ukrainu. U jaho ja šukaŭ hrošy na kampaniju». [Hetaja razmova vykarystoŭvałasia ŭ prapahandysckim filmie «Žalezam pa škle» — Red.].
Pra Dźmitryja Usa
«U nas roznyja pazicyi pa Ukrainie, ale heta nie zaminaje mnie pavažać jaho. Jon vielmi hodna trymaŭsia padčas dopytaŭ, razam sa mnoju jedziŭ pa vybarščykach».
Pra bajkot
«Pytańni pra bajkot — heta pravakacyja. Zaklik da bajkotu — kryminalnaje złačynstva. Dy i kali my nie pojdziem na vybary, to Łukašenka zaklikaje mižnarodnych naziralnikaŭ i lehitymizuje ich. Zabudźciesia pra bajkot — budziem zmahacca za vybary, jakich niama. Nam patrebien sapraŭdny vybar».
Pra toje, što rabić prostamu vybarščyku 11 kastryčnika
«Treba zrabić taki zapis, jaki b zrabiŭ biuleteń niadziejsnym. Heta budzie zaličana jak hołas suprać usich».
Pra Karatkievič
«Karatkievič — heta čałaviek, vyłučany inšym čałaviekam, a nie samastojna. Hety čałaviek moža być vykarastany».
Pra abjadnańnie apazicyi
«Mnie kazali, što moj hołas niekatory čas budzie hučniejšy za hałasy ŭsioj apazicyi. Maŭlaŭ, padumaj, što ty skažaš. I samaje kiepskaje, što ja mahu zrabić — heta abjadnać apazicyju vakoł siabie».
Pra fejsbuk
«U mianie jość staronka ŭ fejsbuku, jaje viadzie Maryna», — śmiecham adkazvaje Mikoła na pytańnie, kali ž jon užo zarehistrujecca ŭ fejsbuku.
Na sajcie nn.by adbyvajecca anłajn-kanfierencyja z eks-kandydatam u prezidenty Mikałajem Statkievičam.
22 žniŭnia Mikałaj Statkievič vyjšaŭ na volu paśla 4 hadoŭ i 9 miesiacaŭ źniavoleńnia. Na aŭtavakzale «Uschodni» jaho sustrakali niekalki socień čałaviek z kvietkami, ściahami i šampanskim.
Zadavać pytańni spadaru Statkieviču možna kamientarami da hetaha materyjału.
