Ci patrebny ŭvieści abaviazkovy asabisty ŭdzieł usich kandydataŭ u prezidenty ŭ debatach, zapytaŭsia ŭ Lidzii Jarmošynaj viadučy prahramy «Kontury» Illa Kołasaŭ.
«U ideale heta pravilna. Ale heta pravilna, kali źbirajucca asoby raŭnaznačnyja, jak u ZŠA», — zajaviła Jarmošyna. Na jaje dumku, demakratyčnaja i respublikanskaja partyi adroźnivajucca «jak piepsi-koła i koka-koła».
«Kali debacirujuć biespracoŭny i ciapierašni kiraŭnik dziaržavy… Heta ŭsio ž nie ŭzrovień debataŭ», — upeŭnienaja Jarmošyna.
«Nu i kali ŭsio ž pravodzić, to parami, jak było ŭ 1994 hodzie. To bok debacirujuć dźvie asoby. Tamu što prychodzić, naprykład, kiraŭnik dziaržavy i jašče šeść za śpinaj. Heta budzie masavaja bojka ŭšaściarych na adnaho. Voś jak jano budzie vyhladać», — prahnazuje jana.