Na Chryščaciku ŭ Kijevie adbyŭsia Marš Niezaležnaści. Va ŭračystym mierapryjemstvie pryniali ŭdzieł prezident Piatro Parašenka, členy ŭrada, inšyja słužbovyja asoby, eks-prezidenty Ukrainy Leanid Kraŭčuk, Leanid Kučma, Viktar Juščanka.
Mierapryjemstva z nahody 24-j hadaviny Niezaležnaści Ukrainy pačałosia z ŭźniaćcia dziaržaŭnaha ściaha na fłahštoku na Majdanie Niezaležnaści pad salutnyja załpy harmat. Na hałoŭnuju vulicu stalicy pahladzieć na Marš pryjšli tysiačy kijaŭlan i haściej stalicy.
Ahresija z boku Rasii zabrała žyćci amal 2,1 tys. ukrainskich voinaŭ.
Pra heta Piatro Parašenka zajaviŭ u svaim vystupie padčas praviadzieńnia Marša Niezaležnaści.
«Dzień Niezaležnaści amal supadaje z hadavinaj strašnaj trahiedyi pad Iłavajskam, jakaja stała śledstvam pramoha ŭvarvańnia padraździaleńniaŭ rasijskaj armii na terytoryju Ukrainy. Prajšoŭ hod, ale hetaja hłybokaja rana nie zahojvajecca, bol nie prachodzić», — skazaŭ Parašenka.
«U cełym ža ahresija z boku susiedniaj dziaržavy zabrała žyćci amal 2 tysiač 100 našych vajaroŭ. Viečnaja pamiać hierojam, jakija zahinuli ŭ bajach za svabodnuju, niezaležnuju Ukrainu. I viečnaja im słava! Viek nie zabudziem, i nie darujem nikoli», - skazaŭ jon.
