«Pryjorbank» adnaŭlaje praviadzieńnie apieracyj pa kartkach, prypynienaje z-za techničnych rabot.
Jak paviedamlaje pres-słužba banka, raboty, źviazanyja z madernizacyjaj sistemy pracesinhu pa apieracyjach z bankaŭskimi płaciežnymi kartami, zavieršanyja.
Usie apieracyi, za vyklučeńniem pieravodaŭ z karty na kartu ŭ elektronnych kanałach «Pryjorbanka» (internet-bankinh, mabilny bankinh, USSD-bankinh, SMS-bankinh), stanuć dastupnymi na praciahu hadziny, adznačyli ŭ pres-słužbie. Pasłuhi pa pieravodzie hrašovych srodkaŭ z karty na kartu ŭ elektronnych kanałach banka, a taksama ŭ bankamatach i płaciežna-daviedačnych terminałach buduć adnoŭlenyja aryjencirovačna da kanca dnia.
24 žniŭnia «Pryjorbank» prypyniŭ šerah apieracyj pa płaciežnych kartkach. U pryvatnaści, byli niedastupnyja apieracyi: pa pieravodzie hrašovych srodkaŭ z karty na kartu ŭ elektronnych kanałach «Pryjorbanka» (internet-bankinh, mabilny bankinh, USSD-bankinh, SMS-bankinh), a taksama ŭ bankamatach i płaciežna-daviedačnych terminałach; pa źniaćci najaŭnaj zamiežnaj valuty z kart u biełaruskich rublach u bankamatach i kasach; pa papaŭnieńni biełaruskimi rublami kart u zamiežnaj valucie ŭ płaciežna-daviedačnych terminałach; pa papaŭnieńni biełaruskimi rublami depazitaŭ u zamiežnaj valucie ŭ elektronnych kanałach banka i płaciežna-daviedačnych terminałach.
Spynieńnie bankaŭskich apieracyj tłumačyłasia techničnymi rabotami.
