Dyrektar niekamiercyjnaha partniorstva «Vikimiedyja.ru» Uładzimir Miadziejka zajaviŭ, što kampanija maje namier abskardzić rašeńnie Raskamnahladu, jaki vyrašyŭ zabłakavać staronku pra narkotyk.
Pavodle jaho słoŭ, rašeńnie Raskamnahladu paŭpłyvaje na pracu ŭsiaho resursu.
«Vikipiedyja» vykarystoŭvaje abaronieny pratakoł, jaki nie dazvalaje pravajderam i inšym asobam, jakija znachodziacca pamiž karystalnikam resursu i resursam, vyznačać, jakija staronki jon čytaje, jakija dadzienyja pieradaje, atrymlivaje. Dostupu nie budzie ŭ karystalnikaŭ pa ŭsich staronkach resursu», — skazaŭ jon u intervju radyjostancyi «Hovorit Moskva».
U paniadziełak Raskamnahlad źviarnuŭsia da rasiejskich apierataraŭ suviazi z patrabavańniem zabłakavać staronku ŭ ruskamoŭnaj «Vikipiedyi», na jakoj apublikavanaja infarmacyja pra narkotyki.
«Supraćpraŭny charaktar raźmieščanaj u «Vikipiedyi» infarmacyi paćvierdžany ekśpiertyzaj i adpaviednym rašeńniem FSKN RF», — padkreślili ŭ viedamstvie.
U Raskamnahladzie raniej taksama paviedamlali, što błakavańnie asobnaj staronki internet-encykłapiedyi moža pryvieści da błakavańnia ŭsioj «Vikipiedyi» z-za asablivaściaŭ funkcyjanavańnia pratakołu HTTPS.
