Čytač Siarhiej dasłaŭ u redakcyju historyju, jakaja adbyłasia ź jaho dačkoj u aeraporcie Minsk-1. Kali baćki pravodzili ranicaj 14-hadovuju dačku na spabornictvy pa tenisie ŭ Barsiełonu, «Biełavija» «pryjemna» paradavała, što za pieravozku dvuch rakietak pa 300 h jany pavinny dapłacić 50 jeŭra.
«Miłaja žančyna z «Biełavija» ŭžo adpraviła čamadan, a paśla paviedamiła: «Oj, u vas ža rakietki, vy nam pavinny hrošy». To bok jana dała nam mahčymaść zdać bahaž, ale paśla zajaviła, što nam treba zapłacić za rakietki», — raspaviadaje Siarhiej.
«Kali b u nas z saboj nie było 50 jeŭra, my b nie zmahli navat sieści na rejs. I tady ŭsie spabornictvy skončylisia b dla nas, nie pačaŭšysia. Nam paščaściła, što kvitki nam apłočvaje škoła, tamu što kvitok kaštuje 400 jeŭra. Chacia, naprykład, inšaja dziaŭčyna lacieła praź Vilniu. Choć jana za svaje hrošy jechała, ale zapłaciła 20 jeŭra. A ŭ nas jany ŭziali jeŭrapiejskija patrabavańni da hruzu dla taho, kab zahrebci jašče sabie hrošaj, uličvajučy, što kvitok kaštuje ŭ razy bolš».
Zvyčajna tenisisty viazuć z saboj da šaści rakietak. U śpiecyjalnych čachłach mieścicca dźvie rakietki. Takim čynam, z taho ž Maksa Mirnaha ŭ aeraporcie voźmuć 150 jeŭra za pieravoz rakietak.
Sapraŭdy, na sajcie «Biełavija» źjaviłasia infarmacyja pra spartyŭny ryštunak.
Spartyŭny ryštunak nie ŭklučajecca ŭ normu biaspłatnaha pravozu bahažu. Apłata za pravoz kožnaha kamplektu spartyŭnaha ryštunku, jaki nie pieravyšaje pa vazie 32 kh, ažyćciaŭlajecca pa staŭcy EUR 50.00 za 1 (adzin) kamplekt pa maršrucie ŭ adzin bok, jak na pramych, tak i na skraznych napramkach «Biełavija».
Typy spartyŭnaha ryštunku, dapuščalnaha da pieravozki na rejsach avijakampanii «Biełavija»:
- Rovar vahoj da 32 kh — rovar biez matora, dziciačy rovar
- Ryštunak dla holfa vahoj da 32 kh — 1 kiejs dla holfa, kluški, miačy, čaraviki dla holfa
- Łyžny ryštunak vahoj da 32 kh i ŭdoŭžki da 210 sm — 1 para łyž, 1 para łyžnych pałak, 1 para łyžnych čaravikaŭ
- Tandemny rovar vahoj da 32 kh — tandemny rovar
- Vodnyja łyžy vahoj da 32 kh i ŭdoŭžki da 210 sm — 1 para vodnych abo słałamnych vodnych łyž
- Ryštunak dla stralby z łuka vahoj da 32 kh — 1 nabor streł i łuka ŭ achoŭnym kantejniery
- Ryštunak dla snoŭborda vahoj da 32 kh i daŭžynioj da 210 sm — 1 snoŭbord, 1 para čaravikaŭ
- Rybałoŭny ryštunak vahoj da 32 kh i daŭžynioj da 210 sm — 2 vudy, torba ci skrynia, 1 para botaŭ dla rybałki, sačok
- Chakiejny ryštunak vahoj da 32 kh — 1 chakiejnaja torba, kluški, 1 para kańkoŭ, 1 kamplekt achoŭnych nakładak dla cieła, 1 šlem
- Ryštunak dla dajvinhu vahoj da 32 kh — 1 maska dla dajvinha, 1 dychalnaja trubka, łasty, hidrakaścium, rehulatar, pusty kisłarodny bałon, lichtar
- Ryštunak dla tenisa, skvoša i badmintona vahoj da 32 kh — 2 rakietki i nabor miačoŭ va ŭpakoŭcy dla tenisa, skvoša i badmintona
- Humovaja łodka vahoj da 32 kh — 1 humovaja łodka, 1 para viosłaŭ
Dla prykładu pahladzim ceny na pieravoz spartyŭnaha invientaru ŭ Litvie. Znakamitaja avijakampanija Ryanair taksama biare 50 jeŭra za pravoz spartyŭnaha ryštunku, kali vaha nie pieravyšaje 20 kh. Dalej idzie dapłata. U Polšy pieravoz spartyŭnaha ryštunku budzieš kaštavać 30 jeŭra. U Rasii kampanija AirBaltic prapanuje zahadździa rehistravać spartyŭny ryštunak, tamu što heta budzie kaštavać tańniej. Pry apłacie zahadzia razam z kvitkami — 35 jeŭra, u aeraporcie — 60 jeŭra. Ale heta tannyja kampanii, dzie bilety kapieječnyja, tamu i dapłaty vysokija, a «Biełavija» darahaja!
«Pahladzicie, jakaja situacyja składvajecca. Dzicio hulaje, abaraniaje honar Biełarusi, a ź jaho jašče chočuć uziać hrošy. Ja zapłaciŭ hetyja hrošy sa svajoj kišeni, a škoła mnie ich paśla nie viernie», — vykazaŭsia Siarhiej.
