Homielski haradski adździeł Śledčaha kamiteta pravodzić pravierku pa fakcie hibieli 11-miesiačnaha chłopčyka.
Viadoma, što chłopčyk patanuŭ u vannaj, pra heta BiełTA paviedamiła aficyjny pradstaŭnik Homielskaha abłasnoha ŭpraŭleńnia Śledčaha kamiteta Maryja Kryvanohava.
Pavodle apieratyŭnaj infarmacyi, 23-hadovaja maci napoŭniła vannu, kab vykupać małoha. Ź jaje słoŭ, vada była pa pojas dziciaci.
Na niekatory čas žančyna adłučyłasia z pakoja. Kali viarnułasia, dzicia ŭžo nie padavała prykmiet žyćcia. Vyratavać niemaŭla nie ŭdałosia.
Maładaja mama pražyvaje z baćkami. U toj dzień jana była doma adna.
Tym časam pravaachoŭnyja orhany pravodziać pravierku pa fakcie traŭmavańnia piacihadovaha chłopčyka ŭ inšym rajonie abłasnoha centra. Dzicia vypała z akna kvatery na piatym paviersie, abapioršysia na maskitnuju sietku. Ź ciažkimi traŭmami chłopčyka dastavili ŭ reanimacyju.
Za apošnija dni heta treci ŭ Homielskaj vobłaści trahičny vypadak, źviazany ź dziećmi. Jak raniej paviedamlałasia, u niadzielu ŭ Rahačoŭskim rajonie byŭ znojdzieny patanułym u kanalizacyjnym reziervuary 8-hadovy chłopčyk.
