Fiermier pa proźviščy Čžan z kitajskaj pravincyi Cziansu prynios u bank torbu z sapsavanymi banknotami — ahulnaj sumaj 100 tysiač juaniaŭ (bolš za 15 tysiač dalaraŭ). Jon prasiŭ abmianiać hetyja kupiury na cełyja.
Fota: Imaginechina / Splash News / Vida Press
Čžan raspavioŭ, što hrošy bolš za čatyry hady tamu zakapała ŭ ziamli jaho maci. Jana źmiaściła banknoty ŭ pakiet, jaki pakłała ŭ mietaličnuju skrynku, a ŭžo jaje zakapała pad padłohaj u kuchni.
Hetym letam Čžan vyrašyŭ ažanicca, i maci ŭzhadała pra nazapašanyja hrošy. Siamja vykapała skarb, ale znajšła kuču sapsavanych banknot. «Maje baćki zastyli na miescy. Heta byli ich źbieražeńni za hady ciažkaj pracy ŭ haradach», — raspavioŭ fiermier.
Ekśpiert pa sapsavanych banknotach, jaki pracuje ŭ miascovym adździaleńni banka, acaniŭ hrašovuju masu i pryjšoŭ da vysnovy, što pavodle biahučaha zakanadaŭstva hetyja naŭrad ci ŭdasca zamianić. Ale jon paabiacaŭ adpravić fatahrafii sapsavanych kupiur u vyšejstajačaje adździaleńnie ŭ nadziei, što tam znojduć vyjście ź situacyi.
Niajasna, čamu maci Čžana vyrašyła zakapać hrošy, a nie adnieści ich u bank. Raniej kitajcy ź sielskaj miascovaści, jak praviła, chavali hrošy ŭ sakretnych miescach — asabliva pad ziamloj. Ale nie takuju vielizarnuju sumu.
