Kiraŭnik Abjadnanaj hramadzianskaj partyi Anatol Labiedźka i lidery partyjnaj moładzi 6 sakavika sustrelisia z kiraŭnikom ofisu ABSE ŭ Miensku Hansam-Johanam Šmidtam, paviedamlaje pres-słužba partyi.
A. Labiedźka źviarnuŭsia da pasła z prośbaj davieści da krainaŭ ABSE infarmacyju ab stvareńni ŭ Biełarusi śpisu nievyjaznych.
U svaju čarhu, Michaił Kryvaŭ, Uładzimier Siarhiejeŭ i Michaił Paškievič, jakim pradjaŭlenaje abvinavačvańnie pa kryminalnaj spravie, uzbudžanaj prakuraturaj praź ichny ŭdzieł u manifestacyi 10 studzienia, pieradali pasłu piśmovy zvarot na hetuju temu.
Jany taksama zaklikali pasła naviedać u SIZA Andreja Kima, a taksama adviedać Akreścina, kab pabačyć, u jakich umovach utrymlivajucca aryštavanyja.