 Julija Cimašenka |  Viktar Juščanka |
Tak prezydent Ukrainy Viktar Juščanka scharaktaryzavaŭ dziejańni premjer‑ministarki Julii Cimašenki ŭ časie svajho vizytu ŭ Dušanbe. Kiraŭnika Ŭkrainy ščyra ździviła pazycyja Cimašenki, jakaja nakiravała jamu list nakont hazavych pytańniaŭ.
«Ja nia jość prychilnikam stasunkaŭ prezydenta j premjera praz poštu. My kožny tydzień sustrakajemsia pa niekalki razoŭ, i kali premjer‑ministar prahnie nie pijaru, a arhanizacyi kankretnaj raboty, u pryvatnaści, i pa temie hazavaha rynku, heta možna było zrabić na dvuchbakovaj asnovie».
Napiaredadni Julija Cimašenka nakiravała prezydentu list u adkaz na zvarot kiraŭnika dziaržavy što da sytuacyi ŭ hazavaj sfery. U im jana nie pahadziłasia ź niekatorymi ŭmovami damoŭlenaściaŭ miž prezydentami Ŭkrainy j Rasiei, dasiahnutymi 12 lutaha, — pieradaje 5 kanał ukrainskaj televizii.
