Bałharyja aficyjna admoviła Rasii ŭ pavietranym kalidory dla rasijskich vajenna-transpartnych samalotaŭ, jakija nakiroŭvajucca ŭ Siryju, zajavili ŭ ministerstvie zamiežnych spraŭ krainy.
ria.ru
«U nas jość surjoznyja sumnievy adnosna hruzaŭ, jakija pieravoziać rasijskija samaloty, i heta — pryčyna admovy», — zajaviła pradstaŭnik bałharskaha MZS.
Napiaredadni ministerstva zamiežnych spraŭ Hrecyi paćvierdziła atrymańnie zapytu ZŠA ab zakryćci pavietranaj prastory krainy dla palotaŭ rasijskaj avijacyi z hruzam humanitarnaj dapamohi dla Siryi. Miž tym rasijskaje ahienctva RIA «Naviny» raniej paviedamiła sa spasyłkaj na dypłamatyčnuju krynicu ŭ Afinach, što Hrecyja nibyta adchiliła adpaviedny zapyt ZŠA, kab nie pahoršyć adnosinaŭ z Rasijaj.
U kancy žniŭnia ŭ ministerstvie zamiežnych spraŭ Rasii zajavili, što majuć namier akazvać humanitarnuju dapamohu Siryi i dapamahać rasijskim hramadzianam, jakija znachodziacca ŭ krainie. Tady samalot MNS Rasii dastaviŭ bolš za 20 ton rasijskaj humanitarnaj dapamohi ŭ horad Łatakija.
Rasijskija ŭłady sutykajucca z abvinavačvańniami pra ŭdzieł rasijskich vajskoŭcaŭ va ŭzbrojenym kanflikcie ŭ Siryi. Na minułym tydni hazieta New York Times napisała sa spasyłkaj na nienazvanych supracoŭnikaŭ amierykanskaj administracyi, što Rasija nibyta adpraviła ŭ Siryju vialikuju hrupu vajskoŭcaŭ, a taksama dyśpietčarski centr VPS, jaki razharnuli na vajennym aeradromie.
