Zabojstva adbyłosia 11 vieraśnia kala 15.00 u vioscy Kamiennaja Horka, što za Minskaj kalcavoj aŭtadarohaj nasuprać adnajmiennaha mikrarajona. Złačyncu ŭdałosia ŭciačy ź miesca zdareńnia.
Ciapier na miescy zdareńnia pracujuć pravaachoŭniki, pieradaje BiełTA.
Žychary Ždanovič paviedamili «Našaj Nivie», što vulicy ahraharadka patrulujuć uzbrojenyja milicyjanty ŭ broniekamizelkach. Jany pieraścierahajuć žycharoŭ i raspytvajuć pra čałavieka z peŭnymi prykmietami.
Fota BiełTA.
U vyšuk abjaŭleny Karanieŭski Alaksandr Uładzimiravič 1954 h.n., jaki 11 vieraśnia 2015 h kala 15 hadzin u vioscy Kamiennaja Horka Minskaha rajona z abreza palaŭničaj strelby zabiŭ dźviuch žančyn i ŭciok, paviedamlajecca na sajcie MUS.
Na vyhlad 60—65 hadoŭ, rost 180—185 sm, zdarovaha ciełaskładu, sivyja karotkija vałasy, mahčyma ŭ akularach dla karekcyi zroku.
Byŭ apranuty: štany (džynsy) ciomnaha koleru, darožnaja padoŭžanaja kurtka ciomna-siniaha koleru z haryzantalnaj pałasoj aranžavaha koleru zzadu.
Pry sabie, mahčyma, maje abrez palaŭničaj strelby.
Tych, chto vałodaje jakoj-niebudź infarmacyjaj pra miescaznachodžańnie Karanieŭskaha albo źviestkami ab złačynstvie, prosiać paviedamić u milicyju pa telefonie 102.
