Bajeviki ruchu «Taliban» ŭziali šturmam turmu ŭ vakolicach horada Haźni ŭ Afhanistanie. Pavodle paviedamleńniaŭ miascovych uład, u chodzie napadu byli zabityja čatyry achoŭniki i vyzvalenyja bolš za 350 źniavolenych.
Jak paviedamiŭ namieśnik hubiernatara pravincyi Machamied Achmadzi, adzin z bajevikoŭ padarvaŭ siabie la bramy turmy, paśla čaho astatnija ŭziali budynak šturmam.
Pa słovach čynoŭnika, tyja, chto napadaŭ byli dobra arhanizavany.
Adkaznaść za napad ŭ zajavie, jakaja źjaviłasia ranicaj u paniadziełak, ŭziaŭ na siabie ruch «Taliban».
Jak pradstaŭnik bajevikoŭ, tak i namieśnik hubiernatara paćvierdzili, što troje z tych, chto napadaŭ byli zabityja.
Pakul nie jasna, jakija mienavita źniavolenyja źbiehli i kudy jany nakiravalisia.
Achmadzi nie vyklučyŭ, što tym, chto napadaŭ, mahli dapamahać znutry turmy. Pavodle jaho słoŭ, bolšaść źniavolenych byli ŭdzielnikami «Talibana», taksama tam znachodzilisia drobnyja złačyncy i narkamany.
