Pieramovy Alaksandra Łukašenki z Uładzimiram Pucinym u Sočy 18 vieraśnia projduć pierad pačatkam plenarnaha pasiadžeńnia druhoha Forumu rehijonaŭ Rasii i Biełarusi, paviedamiŭ žurnalistam pres-sakratar prezidenta RF Dźmitryj Piaskoŭ.
«U Sočy projdzie plenarnaje pasiadžeńnie forumu, pierad jakim prezidenty Pucin i Łukašenka praviaduć asobnuju dvuchbakovuju sustreču», — cytuje Piaskova ahienctva TASS.
Zatym jany voźmuć udzieł u forumie, a paśla jaho zakančeńnia naviedajuć rasijska-biełaruskuju pramysłovuju vystavu, dadaŭ Piaskoŭ.
Raniej pamočnik prezidenta Rasii Juryj Ušakoŭ paviedamiŭ žurnalistam, što Łukašenka i Pucin abmiarkujuć aktualnyja pytańni dvuchbakovaha supracoŭnictva, realizacyju rašeńniaŭ, pryniatych na pasiadžeńni Vyšejšaha dziaržsavieta Sajuznaj dziaržavy 3 sakavika 2015 h., a taksama pierśpiektyvy pahłybleńnia intehracyjnaha ŭzajemadziejańnia ŭ ramkach Jeŭrazijskaha ekanamičnaha sajuza.
Ušakoŭ padkreśliŭ, što «hety kantakt budzie mieć važnaje značeńnie z punktu hledžańnia prezidenckich vybaraŭ u Biełarusi 11 kastryčnika».
