Samarskaja i Syzranskaja dyjacezija RPC maje namier razhledzieć u carkoŭnym sudzie spravu ijeramanacha Amfijana, jaki raniej abviaściŭ ab svajoj homasieksualnaści.
Na sajcie jeparchii ŭdakładniajecca, što ciapier ijeramanach Amfijan (Arciom Viečałkoŭski) znachodzicca za štatam dyjacezii i nie źjaŭlajecca vykładčykam Samarskaj pravasłaŭnaj duchoŭnaj sieminaryi.
Słovy Viečałkoŭskaha, jaki abviaściŭ siabie homaseksualistam, byli apublikavanyja 17 vieraśnia taljacinskim vydańniem. Sam ijeramanach paćvierdziŭ fakt razmovy z vydańniem, ale zajaviŭ, što nie čakaŭ publikacyi svaich słoŭ.
«Ja pakinuŭ sieminaryju ŭ červieni, i vielmi svoječasova. Carkoŭnuju karjeru ja skončyŭ i ciapier z carkvoj ja jak by nie źviazany, choć zastajusia jak by śviatarom i nie zabaronieny ŭ śviatarskim słužeńni», — pryvodzić samarskaje vydańnie słovy ijeramanacha.
Pa słovach Viečałkoŭskaha, jon dziesiać hadoŭ vykładaŭ Novy Zapaviet i zamiežnyja movy ŭ Samarskaj sieminaryi, nie chavajučy svajoj aryjentacyi. U červieni jon pakinuŭ navučalnuju ŭstanovu paśla taho, jak student abvinavaciŭ jaho ŭ damahańniach.
