«Heta nia prosta niejkaja farmalnaja avijabaza — heta peŭny Rubikon, pierajšoŭšy jaki, nazad viarnucca budzie vielmi składana i kaštavać heta budzie vielmi doraha. My bačym, čym abiarnułasia rasiejskaja marskaja baza ŭ Krymie dla Ŭkrainy, i tym samym moža abiarnucca takaja baza dla Biełarusi, — skazaŭ Alaksiej Janukievič u intervju radyjo «Svaboda». — Tamu apazycyi važna abjadnacca vakoł hetaha pytańnia, važna tłumačyć hramadztvu, čym heta niebiaśpiečna. Pryčym u hramadztvie isnuje pazycyja bolšaści, jakaja ličyć, što hetaja baza nam nie patrebnaja. Pazycyja hramadztva, ja liču, moža paŭpłyvać na Łukašenku, kab hetyja pahadnieńni niejkim čynam adciahnuć i ŭrešcie pachavać. I tut jakraz jość mahčymaść, pakul vystupajuć kandydaty ŭ prezydenty na telebačańni. Ja liču, što hetaja tema vielmi jasna i kankretna pavinna prahučać u vystupach tych kandydataŭ, jakija zajaŭlajuć, što im nacyjanalnyja intaresy važnyja».
