Prezident Vieniesueły Nikałas Madura abviaściŭ pra namier urada kupić u Rasii prynamsi 12 bajavych samalotaŭ «AKB Suchoha».
«Ja pahavaru z prezidentam Uładzimiram Pucinym ab adpraŭcy ŭ Vieniesuełu prynamsi 12 novych samalotaŭ «Suchoha» i zamienie zhublenaha samalota», — zajaviŭ Madura, paabiacaŭšy praciahnuć baraćbu z «kantrabandaj».
Adnosiny pamiž Vieniesuełaj i Kałumbijaj praciahvajuć zastavacca napružanymi z-za kanfliktu z nahody pierakryćcia Karakasam dziaržaŭnaj miažy dziela baraćby z «kantrabandaj». Siońnia prezidenty Madura i Chuan Manuel Santas pavinny sustrecca ŭ Ekvadory dla abmierkavańnia šlachoŭ ŭrehulavańnia situacyi.
Paśla niekalkich vypadkaŭ parušeńnia kałumbijskaha aviaprostranstva samalotami Vieniesueły na minułym tydni źniščalnik Su-30 vieniesuelskich VPS raźbiŭsia na miažy z Kałumbijaj. Abodva piłoty zahinuli pry krušeńni.
Zaraz Vieniesueła achoplena ekanamičnym kryzisam, jaki pryvioŭ da devalvacyi nacyjanalnaj valuty i deficytu tavaraŭ u kramach, što pryviało da kantrabandy tannych tavaraŭ praź miažu z Kałumbijaj. Parłamienckija vybary ŭ krainie pavinny adbycca ŭ śniežni.
