 |
Były palitviazień i deputat pałaty pradstaŭnikoŭ Siarhiej Skrabiec siońnia źviarnuŭsia z adkrytym listom da novaha prezydenta Rasiei Dźmitryja Miadźviedzieva z prośbaj dapamahčy ŭ vyzvaleńni biełaruskich palitviaźniaŭ.
«My ličym, što vyzvaleńnie biełaruskich palitviaźniaŭ u značnaj stupieni zaležyć ad Rasiei. Kali Eŭropa i ZŠA majuć uzhodnienuju pazycyju ŭ hetym pytańni, to Rasieja jašče nie vykazvałasia nakont hetaj prablemy. My źviartajemsia nia tolki da Miadźviedzieva, ale i da ŭsiaho rasiejskaha hramadztva, kab tyja źviarnuli ŭvahu na toje, što ŭ sajuznaj ź imi dziaržavie za kratami znachodziacca apanenty dziejsnaha režymu. Dumaju, što list pavinien dajści da adrasata. Niekali ja ŭžo źviartaŭsia da Ŭładzimiera Pucina z prośbaj ab palityčnym prytułku. List dajšoŭ, ale mnie było admoŭlena», – kaža Siarhiej Skrabiec.
Palityk adznačaje, što ciapier abmiarkoŭvajecca pytańnie, kamu jašče z suśvietnych lideraŭ nakiravać padobnyja listy.
Nahadajem, što siońnia druhi dzień biesterminovaj haładoŭki pratestu bratoŭ Siarhieja i Alaksandra Skrabcoŭ. Jany patrabujuć vyzvaleńnia ŭsich biełaruskich palitviaźniaŭ. Pavodle słovaŭ Siarhieja Skrabca, ichny z bratam stan pakul dobry.
