Ilustracyjnaje fota
Piejntbolny kłub B-Zone arhanizoŭvaje vialikuju scenarnuju hulniu pa matyvach mulcika «Vyspa skarbaŭ». Scenar budzie ahałošany bližej da padziei.
Sama hulnia adbudziecca 3 kastryčnika na najlepšaj piejntbolnaj placoŭcy Biełarusi pad Baranavičami, jakaja abstalavanaja draŭlanymi zamkami, akopami, dy inšym, nieabchodnym dla dynamičnaj hulni.
Čakajecca blizu 250 udzielnikaŭ z usioj krainy.
Cana ŭdziełu zaležyć ad kamplektacyi, jakuju abiare ŭdzielnik.
Tak, udzieł i 2000 šarykaŭ premium-kłasa abyducca ŭ sumu, ekvivalentnuju 50 uje.
Udzieł i 1000 šarykaŭ abyducca ŭ sumu, ekvivalentnuju 35 uje.
Kali ŭ achvotnaha zhulać niama svajho piejntbolnaha abstalavańnia, jaho možna budzie ŭziać u arendu za 180 tysiač z čałavieka. U hetuju sumu ŭvachodzić kamuflaž, abarona cieła i piejntbolnaja zbroja.
Aproč taho ŭ canu ŭdziełu ŭvachodzić abied i śpiecyjalnaje šou dla ŭdzielnikaŭ, jakoje zładzić konny kłub «Troja».
Taksama na terytoryi namiotavaha łahiera budzie arhanizavany handlovy abjekt.
Suviaź z arhanizatarami možna trymać praz mabilny telefon: +375 29 222-88-84 (Viačasłaŭ), albo praz sacyjalnyja sietki. Staronka mierapryjemstva tut.
Minułaja vialikaja scenarnaja hulnia pa matyvach «Uładara piarścionkaŭ» sabrała blizu 200 čałaviek ź Biełarusi i zamiežža. Dla ŭdzielnikaŭ było arhanizavanaje rycarskaje šou. Foty ź minułaj hulni možna hlanuć tutaka.
Momant z papiaredniaj vialikaj scenarnaj hulni. Fota: Intex-press
Hladzicie taksama videa ad «Našaj Nivy»:
