Milicyja šukaje kiroŭcu, jaki źbiŭ 19 vieraśnia ŭ Baranavičach 11-hadovaha miascovaha žychara.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, pryblizna ŭ 20.05 na vulicy Telmana školnik pierachodziŭ prajeznuju častku pa rehulavanym piešachodnym pierachodzie na zabaranialny sihnał śviatłafora. U hety čas na jaho najechaŭ aŭtamabil.
Chłopčyk z zakrytaj čerapna-mazhavoj traŭmaj, strasieńniem hałaŭnoha mozhu, zakrytym pierałomam abiedźviuch kaściej pravaj halonki sa źmiaščeńniem, vyciataj ranaj vierchniaj huby źmieščany ŭ Baranavickuju haradskuju balnicu № 1.
Pravodziacca mierapryjemstvy pa ŭstanaŭleńni asoby, jakaja ŭčyniła DTZ. Dziaržaŭtainśpiekcyja prosić vidavočcaŭ zdareńnia paviedamić pra heta.
Pavodle źviestak na 21 vieraśnia, z pačatku hoda ŭ Bresckaj vobłaści z udziełam dziaciej zarehistravanyja 47 DTZ, u jakich zahinuli dva dzicia i 46 atrymali traŭmy roznaj stupieni ciažaru.
