Alaksandr Łukašenka, vystupajučy na plenarnym pasiadžeńni samita AAN pa ŭstojlivym raźvićci, sa škadavańniem zaŭvažyŭ, što śviet pryjšoŭ da samitu raźjadnanym i padzielenym jak nikoli raniej za apošnija try dziesiacihodździ.
«Płanietu skałynajuć šmatlikija ŭzbrojenyja kanflikty, terarystyčnyja akty. Sumna toje, što rost hłabalnych pahroz nie znachodzić adekvatnaha adkazu», — skazaŭ biełaruski lidar.
Alaksandr Łukašenka źviarnuŭ uvahu na toje, što da hetaha času nie ŭdałosia adnavić toj bałans sił, jaki byŭ zhubleny z raspadam Savieckaha Sajuza. «Niama bałansu sił — niama miru i niama stabilnaści. Heta sistemny kryzis. U luboj sistemie siła dziejničaje bieskantrolna, kali jana źjaŭlajecca adzinaj, imkniecca tolki da svajho roskvitu i vyrašeńniu prablem za košt inšych», — miarkuje jon.
«Palityka hiehiemanizmu i nacyjanalnaha ehaizmu pryvodzić da šyrokaha vykarystańnia cisku, sankcyj, abmiežavańniaŭ i vajennych akcyj. Jak vynik — my hublajem davier adzin da adnaho», — padkreśliŭ kiraŭnik biełaruskaj dziaržavy.
Jon adznačyŭ, što ŭzajemnaje adčužeńnie charakterna nie tolki dla bujnych krain. «U mnohich navat niama žadańnia zrazumieć tradycyi, kulturu, pierakanańni inšych narodaŭ», - skazaŭ Łukašenka.
«Vidavočna, što adnaŭleńnie bałansu — heta doŭhi šlach da šmatpalarnaha śvietu. My nablizimsia da hetaj mety, kali budziem dziejničać, a nie pasiŭna čakać», - ličyć biełaruski lidar.
«Nieabchodna na spravie pryznać, što my ŭsie roznyja i što kožny narod, kožnaja kraina maje prava na vybar svajho šlachu raźvićcia.
Mienavita ŭ našym raznastajnaści - załoh ahulnaha prahresu i pośpiechu kožnaha, — padkreśliŭ Alaksandr Łukašenka. — Taki padychod dazvolić adnavić davier u našym mižnarodnym žyćci».
Na dumku Łukašenki, dla hetaha nieabchodna sustrakacca i vieści dyjałoh, damaŭlacca, znachodzić mahčymaść kanstruktyŭnaha ŭzajemadziejańnia, a damoviŭšysia, dziejničać. «Historyja vučyć tamu, što lubaja dziaržava, jakaja pretenduje na adnaasobnaje liderstva biez ahladki na intaresy inšych, u kančatkovym vyniku asudžana samo na pravał i hibiel. Usiakaje pieravaha za košt kahości niedaŭhaviečna i niedaskanała. Niezdarma narodnaja mudraść abviaščaje: ščaście na čužoj biadzie nie pabuduješ», - adznačyŭ kiraŭnik biełaruskaj dziaržavy.
