Nieviadomyja apahanili pomnik hieroju Niabiesnaj sotni Michaiłu Žyźnieŭskamu, ustalavany na jaho mahile na mohiłkach kala vioski Znamia Pracy Homielskaha rajona.
Jak paviedamiła maci zahinułaha Nina Žyźnieŭskaja, nieviadomyja nadrapali na pomniku słova «zdradnik». «My paviedamili pra heta va ŭkrainskaje pasolstva, napisali zajavu ŭ milicyju, choć i nie vierym, što milicyja znojdzie vinavatych. Užo nieadnarazova vandały sprabavali źniščyć pamiać pra Mišu — rvali na jaho mahile ŭkrainskija stužački, pieravaročvali vianki i košyki, raskidvali ŭsio», — adznačyła Nina Žyźnieŭskaja.
Pomnik byŭ zrobleny za srodki nieabyjakavych ludziej z roznych krain, jaho stvaryŭ viadomy skulptar Alaksandr Šaternik. Pomnik z hranitu nahadvaje adkrytuju knihu, jakaja simvalizuje knihu žyćcia Michaiła Žyźnieŭskaha. Jon byŭ adkryty 7 lipienia 2015 hoda.
Biełarus, uradženiec Homiela Michaił Žyźnieŭski zahinuŭ na Majdanie ŭ Kijevie 22 studzienia 2014 hoda.
