Sotni iranskich vajennych prybyli ŭ Siryju 10 dzion tamu sa zbrojaj, kab pryniać udzieł u naziemnych apieracyjach na padkantrolnych paŭstancam terytoryjach na poŭnačy krainy; livanskaja «Chiezbała» taksama rychtujecca dałučycca da apieracyi, paviedamili Rejter livanskija krynicy ŭ čaćvier.
Reuters
Naziemnaja apieracyja sumiesna ź siryjskaj armijaj budzie akampanavać pavietranym udaram, jakija nanosiacca rasijskaj avijacyjaj, skazali krynicy, znajomyja z pytańniem.
«(Rasijskija) pavietranyja ŭdary buduć u bližejšaj budučyni supravadžacca naziemnym nadychodam siryjskaj armii i jaje sajuźnikaŭ», — skazała adna z krynic.
«Mahčyma, metami majučych adbycca naziemnych apieracyj stanuć sielskija rajony Idliba i Chamy», — dadała krynica.
Krynicy padkreślili, što apieracyja maje na mecie advajavać terytoryju, jakuju prezident Bašar Asad straciŭ padčas vajny z paŭstancami.
