Kamitet FIFA pa etycy rekamiendavaŭ časova adchilić ad pasady prezidenta arhanizacyi Zepa Błatera terminam na 90 dzion. Kančatkovaje rašeńnie zaŭtra prymie kiraŭnik arbitražnaj pałaty kamiteta pa etycy FIFA Chans Jaakim Ekiert.
Pasiadžeńnie kamiteta pa etycy prachodzić siońnia ŭ Ciurychu. Błater płanavaŭ znachodzicca na čale FIFA da novych vybaraŭ prezidenta, pryznačanych na 26 lutaha 2016 hoda.
«Jon [Błater] spakojny, — skazaŭ savietnik kiraŭnika FIFA Kłaŭs Štolkier. — Nie zabyvajciesia, što jon źjaŭlajecca baćkam-zasnavalnikam kamiteta pa etycy. Pakul rašeńnie časovaje, na 90 dzion, ale jon jašče nie adchileny. Pasiadžeńnie kamiteta praciahvajecca».
Ad svajoj pasady moža być adchileny i prezident UEFA Mišel Płacini, jaki ličycca asnoŭnym pretendentam na pasadu kiraŭnika FIFA na majučych adbycca vybarach.
