Pieršaja ŭ historyi biełaruska Śviatłana Aleksijevič razam z Nobieleŭskaj premijaj atrymaje pryzavyja — 8 miljonaŭ šviedskich kron, ci 953 tysiačy dołaraŭ.
Ale ci daviadziecca łaŭreatcy płacić padachodny padatak za hrošy?
Hetaje pytańnie Jeŭraradyjo zadaje Ministerstvu pa padatkach i zborach. Na haračaj linii adkazvajuć, što padatak zapłacić daviadziecca, kali čałaviek bolej za 183 dni žyvie ŭ Biełarusi.
«Kali b vy atrymali premiju ad Biełarusi, tady mieli b ilhoty. Kali da prykładu, majecie zvańnie «Narodny artyst», štomiesiačna niejkija vypłaty jość, i jany nie abkładajucca padatkam. A Nobieleŭskaja premija — heta dachod z−za miažy i abkładajecca padatkam 13%», − kažuć na haračaj linii Ministerstva pa padatkach i zborach.
Atrymlivajecca, z premii Śviatłana Aleksijevič vinna budzie zapłacić dziaržavie 123 890 dołaraŭ.
Sama piśmieńnica skazała, što premiju źbirajecca vydatkavać na napisańnie novych knih.
