Rakiety, vypuščanyja z karabloŭ Kaśpijskaj fłatylii, raźbilisia na terytoryi Irana, pieradaje ŭ čaćvier, 8 kastryčnika, telekanał CNN.
Pavodle dadzienych amierykanskaj raźviedki, jak minimum čatyry rakiety raźbilisia na terytoryi Irana ŭ toj momant, kali jany lacieli da Siryi. Adna krynica kaža, što heta mahła być prosta avaryja, adnak inšy surazmoŭca telekanała heta paćvierdzić nie zmoh.
Taksama nieviadoma, dzie mienavita raźbilisia rakiety. CNN nahadvaje, što karabli Kaśpijskaj dyvizii bazujucca ŭ Kaśpijskim mory. Heta aznačaje, što dla dasiahnieńnia Siryi im spatrebiłasia pieralatać Iran i Irak.
Pra toje, što rasijskija karabli Kaśpijskaha fłotu atakavali pazicyi terarystaŭ «Isłamskaj dziaržavy», raspavioŭ ministr abarony Rasii Siarhiej Šajhu ŭ sieradu, 7 kastryčnika. Jon adznačyŭ u razmovie z prezidentam Rasii Uładzimiram Pucinym, što ŭdary nanieśli na adlehłaści kala 1500 kiłamietraŭ vysokadakładnaj zbrojaj. Usie celi, pavodle jaho słoŭ, byli źniščanyja.
