Getty
Niemiec Jurhien Kłop, pa dadzienych Bi-bi-si, pryznačany novym hałoŭnym trenieram «Livierpula». 48-hadovy śpiecyjalist, viadomy pa pracy z «Barusijaj» z Dortmunda, uzhadniŭ kantrakt ź livierpulskim kłubam na try hady, jaki budzie padpisany ŭ najbližejšy čas.
Čakajecca, što «Livierpul» pradstavić nastaŭnika ŭ piatnicu ranicaj.
Na minułym tydni kiraŭnictva «čyrvonych» abviaściła pra zvalnieńnie Brendana Rodžersa, jaki pracavaŭ u «Livierpuli» na praciahu 3,5 hoda. Kantrakt z Rodžersam byŭ skasavany paśla niaŭdałaha startu ciapierašniaha siezonu — «Livierpul» zaraz zajmaje dziasiaty radok u turnirnaj tablicy
Letaś Jurhien Kłop pakinuŭ «Barusiju», ź jakoj pracavaŭ na praciahu siami hadoŭ. Pad kiraŭnictvam Kłopa dortmundski kłub dvojčy vyjhraŭ čempijanat Hiermanii, adzin raz — Kubak Hiermanii, a taksama vyjšaŭ u finał Lihi čempijonaŭ u 2013 hodzie, u jakim sastupiŭ miunchienskaj «Bavaryi».
Siarod kandydataŭ na pasadu treniera «Livierpula» razhladaŭsia taksama były nastaŭnik madrydskaha «Reała» i łondanskaha «Čełsi» Karła Ančałoci.
