Ciapier tvory łaŭreata Nobieleŭskaj premii ŭ siaredniaj škole nie prachodziać ni ŭ asnoŭnaj prahramie, ni pa pazakłasnym čytańni. Ale chutka staršakłaśniki pračytajuć «Cynkavych chłopčykaŭ» i «Čarnobylskuju malitvu».
— Tvorčaść Śviatłany Aleksijevič vyvučajecca na fiłałahičnych fakultetach biełaruskich univiersitetaŭ. Mienavita ź jaje imia studenty pačynajuć vyvučeńnie ruskamoŭnaj litaratury Biełarusi XX st., — raspaviali kp.by ŭ Ministerstvie adukacyi.
Miarkujučy pa ŭsim, vierniecca piśmieńnica i ŭ siaredniuju škołu. Ministerstva adukacyi źbirajecca ŭklučyć jaje «Čarnobylskuju malitvu» i «Cynkavyja chłopčyki» ŭ prahramu pa litaratury.
— U suviazi ź pierachodam na profilnaje navučańnie, sioleta pierahladajucca navučalnyja prahramy dla siaredniaj ahulnaadukacyjnaj škoły. U prajekt prahramy dla 11-kłaśnikaŭ, jakija vučacca jak na pavyšanym, tak i bazavym uzroŭni, u raździele «Ruskamoŭnyja piśmieńniki Biełarusi» prapanavana dva tvory dla vyvučeńnia tvorčaści łaŭreata Nobieleŭskaj premii pa litaratury za 2015 biełaruskaj piśmieńnicy Śviatłany Aleksijevič, — zajavili ŭ Ministerstvie adukacyi.
