U interviju rasiejskamu sajtu «Mieduza» kandydat u prezydenty Taciana Karatkievič zajaviła, što «dziŭna było b kazać, što my chočam pieramahčy». Taksama jana vykazałasia za toje, kab u Łukašenki «byli jašče dva terminy».
U interviju karespandentu Svabody Taciana Karatkievič patłumačyła svaje zajavy.
Jana skazała, što raspaviadała ŭ interviju pra toje, jak «raźvivałasia naša staŭleńnie da pieramohi».
«Heta retraspektyva taho, jak mianiałasia naša staŭleńnie. Jak my stavili metu pieramahčy, jakoj jana była niedasiahalnaj napačatku kampanii i jakaja jana ciapier. Naadvarot, ja ŭsim kažu, što siońnia rablu ŭsio, kab pieramahčy. Usio pačynajecca z taho, što skieptyki kažuć: vy ž nie pieramožacie, majučy na ŭvazie padlik hałasoŭ. A siońnia ŭ nas vielmi krytyčnaje staŭleńnie da taho, jak buduć ličyć hałasy. Užo naziralnikaŭ šturmujuć, jany fiksujuć parušeńni na vybarčych učastkach».
Adnosna dvuch terminaŭ dla Łukašenki, Taciana Karatkievič patłumačyła svaje vykazvańni tak:
«My kažam pra toje, jak mohuć raźvivacca padziei. Heta nia toje, što my chočam, kab jon zastaŭsia. Kaniečnie, my chacieli b, kab ułada pamianiałasia, heta samaje hałoŭnaje. Ale ŭ nas jość našy ŭmovy, naša prahrama. Tam prapisana: dva terminy. I my kažam: kali my nie pieramožam na hetych vybarach, varta było b i dalej pracavać z nasielnictvam, rabić tak, kab novy pieramožca, kali jon budzie, vykonvaŭ našu prahramu. A ŭ joj havorycca pra toje, kab viarnucca da kanstytucyjnaj normy, jakaja była. Adzin čałaviek zajmaje pasadu prezydenta nia bolš jak dva razy. Heta aznačaje, što kali pieramahaje Łukašenka, jon pahadžajecca na pieramieny i moža pravieści reformy, jakich žadaje balšynia biełarusaŭ, i pry hetym jon harantuje, što ŭ jaho adzin termin dakładna jość, a druhi — jak pakažuć vybary. Ale heta ŭsio hipatetyčnyja razvažańni. My kažam, kali «pieramahaje» Łukašenka, a my damahajemsia taho, kab naša prahrama vykonvałasia, tady buduć hetyja mahčymaści. Jon moža zastacca na adzin termin, a dalej — jakija buduć vybary».
Na pytańnie karespandenta «Mieduzy», ci raźličvaje Taciana Karatkievič na pieramohu, kali kaža pra žadańnie nabrać 20% hałasoŭ, kandydatka ŭ prezydenty skazała:
«Kali my pačali kampaniju, u mianie byŭ rejtynh 2%. Dziŭna było b kazać, što my chočam pieramahčy. Ź inšaha boku, my ŭžo pieramahli, bo moj rejtynh jašče da pačatku ahitacyi vyras da 18%, a ciapier pavinien być značna bolšy. My zrabili niemahčymaje ŭ tych składanych umovach, u jakich my pracujem».
Havoračy pra toje, ci padobny Łukašenka da čałavieka, jaki sydzie z pasady prezydenta ŭ vyniku vybaraŭ, Karatkievič adznačyła «Mieduzie»:
«Kali jon nie žadaje sychodzić, to ŭ jaho jašče jość varyjant źmianić svaju palityku. My tamu i havorym pra mirnyja pieramieny, bo bačym u hetym perspektyvu i dla jaho ŭ tym liku. My prapanujem viarnucca da dvuch prezydenckich terminaŭ — chaj u jaho budzie jašče dva terminy. My ž nia kažam, što ŭ jaho niama padtrymki — pry sumlennych umovach hulni jon by taksama moh pieramahčy».
***
U kamientarach na sajcie nn.by Andrej Dźmitryjeŭ pakinuŭ kamientar, što ŭ tekście na sajcie «Mieduzy» dapuščany pamyłki. Voś jak vyhladajuć aryhinalnyja słovy:
V opublikovannom intiervju:
«— Łukašienko nie pochož na čiełovieka, kotoryj ujdiet s posta priezidienta v riezultatie vyborov.
— Jeśli on nie chočiet uchodiť, to u nieho jeŝie jesť variant iźmieniť svoju politiku. My poetomu i hovorim o mirnych pieriemienach, tak kak vidim v etom pierśpiektivu i dla nieho v tom čiśle. My priedłahajem viernuťsia k dvum priezidientskim srokam — pusť u nieho budiet jeŝie dva sroka. My vied́ nie hovorim, čto u nieho niet poddieržki — pri čiestnych usłovijach ihry on by tožie moh pobiediť.»
V zapisi: U nieho (Łukašienko) jeŝie jesť druhoj variant iźmieniť svoju politiku, jeśli on nie sobirajetsia uchodiť. Sovieršienno poniatno, čto jeśli on nie budiet mieniať svoju politiku, tohda budut druhije ścienarii. My poetomu siehodnia i hovorim o mirnom procieśsie i mirnych pieriemienach, potomu čto vidim, čto etom jesť pierśpiektiva i dla nieho v tom čiśle. Hovorim: «Davajtie vierniemsia k dvum srokam priezidientstva. I vot u vas, naprimier, Aleksandr Łukašienko, budiet jeŝie dva sroka.» My ž nie hovorim, čto u nieho sovsiem niet poddieržki. U nieho jesť 35% +/- 5 i jeśli by byli čiestnyje praviła ihry, to on moh by pobiediť, jeśli by zachotieł. Našie priedłožienije, odno iz samych popularnych, viernuť etu normu v Konstituciju (ohraničienije dvumia srokami) otkryvajet dla nieho vozmožnosti kakoho-to vychoda.» https://www.dropbox.com/s/sgvuqylcb17c3sp/151006_00090%20(mp3cut.ru).MP3?dl=0.
