Alaksandr Łukašenka kanstatuje pačatak novaha etapu nie tolki ŭ jaho žyćci, ale i ŭsiaho hramadstva. Na heta jon źviarnuŭ uvahu na sustrečy ŭ Minsku z prezidentam Pałaty ekanomiki Aŭstryi Krystafam Lajtlem i pieršym namieśnikam staršyni Nacyjanalnaj rady Aŭstryi Karłchajnciem Kopf.
«Novy etap pačynajecca ŭ žyćci maim i, napeŭna, našaha hramadstva ŭ cełym. Heta jašče treba asensavać», — skazaŭ jon.
Alaksandr Łukašenka ličyć nievypadkovaj sustreču mienavita z pradstaŭnikami aŭstryjskaj dziaržavy paśla praviedzienych u Biełarusi prezidenckich vybaraŭ. Jon źviarnuŭ uvahu, što ŭ pačatku jaho pieršaha prezidenckaha terminu ŭ jaho pamiaci zastalisia sustrečy i temy, źviazanyja z uzajemaadnosinami z Aŭstryjaj.
«I mnie tady padałosia, što Zachad niejak raźmierkavaŭ svaje roli na postsavieckaj prastory, i nam dastałasia takaja vysokatechnałahičnaja i ŭ čymści padobnaja na nas Aŭstryja», — skazaŭ biełaruski lidar.
«Tamu, napeŭna, nievypadkova na hetym etapie, kali byccam by ŭ nas paciapleńnie adbyvajecca ź Jeŭrasajuzam i z asobnymi krainami Jeŭrasajuza, nievypadkova i zakanamierna toje, što my siońnia sustrakajemsia z vami i ŭ Minsku prachodziać mierapryjemstvy, źviazanyja z ekanamičnym supracoŭnictvam: z adnaho boku pradstaŭniki Jeŭrazijskaha ekanamičnaha sajuza, z druhoha — Jeŭrapiejskaha sajuza ŭ asobie nie čužoj užo nam Aŭstryi «, — adznačyŭ Łukašenka.
