Futbolnych fanataŭ zatrymali nie za našeńnie šalika z nacyjanalnaj simvolikaj, a za łajanku i niepadparadkavańnie milicyi. Pra heta raspavioŭ kiraŭnik pres-słužby UUS Minabłvykankama Alaksandr Danilčanka.
12 kastryčnika na futbolnym stadyjonie «Barysaŭ-Arena» adbyŭsia matč kvalifikacyjnaha raŭnda Jeŭra-2016 pamiž zbornymi Biełarusi i Makiedonii, na jakim byli zatrymanyja niekalki futbolnych fanataŭ. Jak paviedamili ŭ niefarmalnym biełaruskamoŭnym kłubie «B-12», zaŭziataraŭ zatrymali z-za šalikaŭ z vyjavaj histaryčnaha hierba «Pahonia».
U biełaruskaj fiederacyi futboła vykazali ździŭleńnie, jak simvolika, nie zabaronienaja zakanadaŭstvam, a taksama nie ŭvachodzić u zabaronienyja śpisy FIFA i UEFA, moža słužyć padstavaj dla zatrymańnia zaŭziataraŭ u chodzie matča. Pytańnie ŭziaŭ na kantrol i kiraŭnik ABFF Siarhiej Rumas.
Viersiju, što fanaty byli zatrymanyja z-za simvoliki, kateharyčna abviarhajuć u milicyi.
«Padčas pierapynku, kala 22:40, troje biełaruskich zaŭziataraŭ stali niecenzurna vykazvacca. Jany nie reahavali na nieadnarazovyja zaŭvahi i patrabavańni supracoŭnikaŭ milicyi spynić supraćpraŭnyja dziejańni», — raspaviali ŭ pres-słužbie Minabłvykankama.
Pavodle jaho słoŭ, zaŭziatary admovilisia prajści ŭ pakoj milicyi dla razboru, i akazali niepadparadkavańnie. Paśla hetaha ich zatrymali i dastavili ŭ Barysaŭskaje RUUS.
Na troch fanataŭ byli składzienyja pratakoły pa art. 17.1 (niecenzurnaja łajanka ŭ hramadskim miescy) i 23.4 (niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) KaAP RB.
Alaksandr Danilčanka taksama raspavioŭ, što zaŭziatary ŭžo dastaŭleny ŭ sud
