Pra heta paviedamiŭ dyrektar «Art-siadziby»Pavał Biełavus.
Zamovu vykonvaje mahiloŭskaja fabryka «Stužka».
«Patelefanavali siońnia z mahiloŭskaj fabryki «Stužka» i skazali, što zapuścili ŭ vytvorčaść našu zamovu (5 km bieł-čyrvona-biełaj stužki), paabiacali, što na nastupnym tydni ŭžo adhruziać.
Adhruzić jaje zhodna z damovaju jany pavinny byli da 19 vieraśnia, ale tady patelefanavali i skazali, što biada, prablema z syravinaju, i zmohuć tolki na pačatku listapada.
Vybary minuli, i sprava idzie da taho, što zrobiać, i ŭsie ludzi, jakija dapamahli sabrać patrebnuju sumu, atrymajuć zapavietnuju bieł-čyrvona-biełuju stužačku», — napisaŭ u fejsbuku Pavał Biełavus.
Pavał Biełavus apavioŭ, što dla zamovy stužki letam byŭ abjaŭleny zbor srodkaŭ.
«Adhuknułasia kala dziasiatka čałaviek, i chutka my apłacili patrebnuju sumu, kala 2000 umoŭnych adzinak, kab pradpryjemstva pačało vyrab stužki. Stužka budzie vykarystoŭvacca kožnym z układalnikaŭ dla svaich metaŭ. Niechta budzie razdavać, niechta pradavać, niechta ŭpryhožvać pakunki. «Art-siadziba» ž planuje praciahnuć ź joju svaju raniejšuju akcyju #biełaruskajastužka, a taksama znajści sponsaraŭ na zamovu bolšaha nakładu dla razdačy i praviadzieńnia hramadzkaj akcyi pa papularyzacyi nacyjanalnych symbalaŭ».
