Ciaham šaści miesiacaŭ usie biuleteni sa skryniaŭ dla hałasavańnia buduć zachoŭvacca ŭ miascovych vykankamach. Jak potym ich źniščać, miascovyja ŭłady vyrašajuć sami. Ale vierahodna, što hetym razam ich zdaduć na makułaturu, nie vyklučaje staršynia CVK Lidzija Jarmošyna.
«Heta źniščaje kožny vykankam, dzie jany zachoŭvajucca — zaraz jany zdadzienyja ŭ miascovyja administracyi, jakija ŭtvarali ŭčastkovyja kamisii. I jany ich utylizujuć u adpaviednaści ź instrukcyjami. Zaraz, ja viedaju, usie makułaturu źbirajuć i ŭvohule nie vyklučana, što heta budzie ŭsio zdadzienaje na makułaturu».
Pa źviestkach Centrvybarkama, 6 miljonaŭ 115 tysiač 41 vybarščyk atrymali na ruki biuleteni dla hałasavańnia, ale tolki 6 miljonaŭ 112 tysiač 364 kinuli ich paśla ŭ skryni.
Nahadajem, vybary prezidenta prajšli ŭ Biełarusi 11 kastryčnika. Pavodle papiaredniaj infarmacyi CVK, pieramoh na ich Alaksandr Łukašenka z vynikam 83,49%.
