Urad Vienhryi abjaviŭ, što maje namier zakryć miažu apoŭnačy pa miascovym časie, kab spynić patok mihrantaŭ, jakija prybyvajuć u krainu.
Ministr zamiežnych spraŭ Vienhryi Pieter Sijarta zajaviŭ, što ŭdzielniki brusielskaha samitu krain ES admovilisia pryniać prapanovu Vienhryi ab stvareńni ahulnajeŭrapiejskaj pamiežnaj słužby, i što ŭ vyniku Budapiešt akazaŭsia vymušany dziejničać u adnabakovym paradku.
Pavodle jaho słoŭ, uciekačy pa-raniejšamu zmohuć padavać prašeńni ab pradastaŭleńni im prytułku ŭ dvuch pahraničnych tranzitnych zonach. Adnak praktyčna ŭsie padobnyja prośby buduć adchilenyja, bo ŭciekačy prybyli da miažy z krain, jakija Vienhryja razhladaje jak biaśpiečnyja.
Vienhryja ŭžo zakryła svaju miažu ź Sierbijaj.
Adnačasova z hetym prezident Turcyi Redžep Taip Erdahan vyśmiejaŭ ES za toje, što krainy Jeŭrasajuza prymajuć značna mienš biežancaŭ, čym Turcyja.
Jaho słovy stali chałodnym dušam dla tych, chto z aptymizmam aceńvaŭ papiarednija damoŭlenaści pamiž lidarami ES i Turcyi na pieramovach u Brusieli ab vydzialeńni Ankary troch miljardaŭ jeŭra — u pieršuju čarhu dla ŭładkavańnia centraŭ pa pryjomie biežancaŭ.
Erdahan taksama ź ironijaj prakamientavaŭ prapanovy vyłučyć niamieckaha kanclera Anhiełu Mierkiel na Nobieleŭskuju premiju miru za toje, što Hiermanija pryniała vialikaja kolkaść biežancaŭ u hetym hodzie.
«U nas znachodziacca 2,5 młn biežancaŭ, nikomu da hetaha niama spravy», — skazaŭ Erdahan.
