U sudzie Dobrušskaha rajona razhladajecca kryminalnaja sprava ŭ dačynieńni da hramadzianina Kitajskaj Narodnaj Respubliki, jaki abvinavačvajecca ŭ naŭmysnym pryčynieńni ciažkaha cialesnaha paškodžańnia.
Sarakavaśmihadovy rabočy ŭdaryŭ nažom svajho načalnika-bryhadzira — taksama hramadzianina Kitaja. Kanflikt adbyŭsia na terytoryi zavoda pa vytvorčaści kardonu, jaki budujecca kitajskaj kampanijaj. Svarka ŭźnikła na hlebie vytvorčych adnosin.
Abodva fihuranty spravy nie razmaŭlajuć na dziaržaŭnych movach Biełarusi, tamu sudovy praces prachodzić z udziełam pierakładčykaŭ, a taksama pradstaŭnika konsulstva. Prysud pa spravie čakajecca ŭ kancy kastryčnika, paviedamiła pres-sakratar Homielskaha abłasnoha suda Natalla Puhačova.
Pavodle č. 1 art. 147 Kryminalnaha kodeksa abvinavačvanamu pahražaje abmiežavańnie voli na termin ad troch da piaci hadoŭ ci pazbaŭleńnie voli na termin ad čatyroch da vaśmi hadoŭ.
