U spravazdačy śpiecyjalnaha kamiteta brytanskaha parłamienta havorycca, što adzin z hałoŭnych simvałaŭ Łondana znachodzicca ŭ niebiaśpiecy, i jamu nieabchodny terminovy ramont, košt jakoha składzie prykładna 60 młn dalaraŭ.
The Guardian
Padčas ramontu hadzińnik budzie spynieny, taksama spynicca jaho boj. Papraŭka miechanizmu Bih-Bena moža zaniać niekalki miesiacaŭ, što stanie adnym z samych praciahłych prypynieńniaŭ hadzińnika z momantu jaho pabudovy ŭ 1859 hodzie.
U spravazdačy paviedamlajecca, što ramontu patrabujuć strełki i kivač; taksama papraŭka nieabchodnaja dachu viežy, u jakoj utvarylisia raskoliny.
Akramia Bih-Bena brytanskamu parłamientu, mahčyma, pryjdziecca pravieści kapitalny ramont u svaim ułasnym budynku ŭ Viestminstary, vydatkavaŭšy na heta kala 11 młrd dalaraŭ.