Biełaruś razhladaje mahčymaść nabyćcia ŭ Rasii źniščalnikaŭ Su-30SM, paviedamiŭ žurnalistam 20 kastryčnika kamandujučy VPS i vojskami SPA Uzbrojenych sił hienierał-major Aleh Dvihaleŭ.
Pavodle jaho słoŭ, hetyja samaloty pavinny pryjści na źmienu «sastarełym» MiH-29. Zakupki novych rasijskich źniščalnikaŭ płanujucca paśla 2020 hoda.
Siońnia Dvihaleŭ udzielničaŭ u sustrečy kiraŭnictva biełaruskaha DTSAAF z pradstaŭnikami kiraŭnictva rasijskaj karparacyi «Irkut», jakaja vypuskaje Su-30SM.
Na sustrečy kamandujučy raskazaŭ, što na vystavie MAKS-2015 u padmaskoŭnym Žukoŭskim biełaruski vajenny lotčyk, načalnik štaba 61-j źniščalnaj avijabazy ŭ Baranavičach aprabavaŭ novy samalot, pravioŭšy ŭ pavietry 40 chvilin. «U jaho vielmi dobryja vodhuki pra hetu mašynu», — adznačyŭ Dvihaleŭ.
