Delfi.lt
U bližejšyja sutki, 22 kastryčnika, pryrodnyja ŭmovy Biełarusi buduć vyznačać atmaśfiernyja franty, jakija hublajuć svaju aktyŭnaść. Zachavajecca pachmurnaje nadvorje.
Nočču na značnaj častcy terytoryi, dniom miescami projduć daždžy, pa ŭschodzie krainy imavierny mokry śnieh. U asobnych rajonach słaby tuman. Viecier paŭdniova-ŭschodni, słaby da ŭmieranaha. Tempieratura pavietra ŭnačy 1.. + 6°S, miescami pa Viciebskaj i Mahiloŭskaj abłaściach 0..- 2°S; dniom 2.. + 8°S. Atmaśfierny cisk istotna nie źmienicca.
23-24 kastryčnika nadvorje buduć vyznačać atmaśfiernyja franty i pavietranyja masy, jakija pastupajuć z Atłantyki. Zachavajecca syroje i pachmurnaje nadvorje.
23 kastryčnika nočču miescami, dniom na bolšaj častcy terytoryi čakajucca karotkačasovyja daždžy, nočču pa ŭschodzie mahčymy mokry śnieh. Nočču i ranicaj u asobnych rajonach tuman. Tempieratura pavietra ŭnačy -1.. + 6°S, dniom +5.. + 11°S.
24 kastryčnika nočču i ranicaj na bolšaj častcy terytoryi, dniom miescami karotkačasovyja daždžy. Tempieratura pavietra ŭnačy 3.. + 9°S, dniom 7.. + 12°S.
