Vice-prezident ZŠA Džozef Bajden abviaściŭ, što nie budzie ŭstupać u baraćbu za najvyšejšuju dziaržaŭnuju pasadu ŭ 2016 hodzie.
AP
Takuju zajavu jon zrabiŭ u prysutnaści kiraŭnika dziaržavy Baraka Abamy, vystupajučy ŭ Ružovym sadzie la Biełaha doma.
«Na majo rašeńnie paŭpłyvała śmierć majho syna Bo, — adznačyŭ jon. — U mianie nie budzie dastatkova času, kab pabudavać paśpiachovuju pieradvybarčuju kampaniju».
Takim čynam, Bajden litaralna rasčyściŭ šlach dla byłoj pieršaj łedzi ZŠA Chiłary Klintan, jakaja na dadzieny momant źjaŭlajecca hałoŭnym pretendentam na vyłučeńnie kandydatam ad Demakratyčnaj partyi na prezidenckija vybary ŭ 2016 hodzie.
46-hadovy syn Bajdena Bo pamior 30 maja ad raku hałaŭnoha mozhu. Heta byŭ vialiki ŭdar dla palityka, jaki ŭžo druhi raz hublaje blizkich ludziej. Jaho pieršaja žonka Nielija i 13-miesiačnaja dačka zahinuli ŭ aŭtakatastrofie ŭ 1972 hodzie.
Bajden — adzin z samych vopytnych amierykanskich palitykaŭ, jaki da abrańnia vice-prezidentam zvyš 35 hadoŭ pracavaŭ u Sienacie ZŠA. U administracyi Abamy jon hulaje prykmietnuju rolu, u tym liku pry pryniaćci kadravych rašeńniaŭ.
