New York Times
Kandydat u prezidenty ZŠA ad Demakratyčnaj partyi, eks-dziaržsakratar Chiłary Klintan 11 hadzin adkazvała na pytańni členaŭ śpiecyjalnaj kamisii Kanhresa pa spravie ab napadzie na amierykanskaje konsulstva ŭ Livii ŭ 2012 hodzie.
Vystupajučy pierad kanhresmienami, bolšaja častka ź jakich pradstaŭlali Respublikanskuju partyju, Klintan zajaviła, što jaje palityčnyja supierniki vykarystoŭvajuć napad u Bienhazi ŭ palityčnych metach.
«Ja pryznała svaju adkaznaść, i pierš čym pakinuć pasadu [dziaržsakratara], praviała reformy, kab našy ludzi, jakija pracujuć za miežami ZŠA, byli lepš abaronieny, kab źnizić vierahodnaść paŭtareńnia takoj trahiedyi ŭ budučyni», - skazała Klintan.
Vystupleńnie byłoha dziaržsakratara atrymała šyrokuju padtrymku ŭ sacsietkach, a ŭ tvitary jaje prychilniki stvaryli chešteh #FreeHillary, jaki chutka nabraŭ papularnaść.
Napad na konsulstva ZŠA ŭ Bienhazi adbyŭsia 11 vieraśnia 2012 h. Paśla mitynhu kala konsulstva natoŭp miascovych žycharoŭ, siarod jakich byli i bajeviki, pajšoŭ na šturm budynka - u vyniku zahinuli čaćviora amierykanskich dypłamataŭ, u tym liku pasoł ZŠA ŭ Livii Krystafier Styviens.