 |
Siońnia stali viadomyja dvoje apošnich paŭfinalistaŭ čempijanatu Biełarusi pa chakiei. Imi stali mienskaje «Dynama» i «Viciebsk».
Letašni čempijon «Dynama» tolki ŭ piataj hulni zmah złamić supraciŭ krepkaha mahiloŭskaha «Chimvałakna» (Mahiloŭ) – 4:0. Ahulny lik u seryi 3:2. Hod nazad «milicyjanty» na stadyi płej-of vyhladali kudy bolš macniej.
Taki samy vynik zafiksavany i ŭ procistajańni «Metalurhu» (Žłobin) i «Viciebsku». Vyrašalnuju pieramohu vićbičy atrymali tolki ŭ overtajmie apošniaj sustrečy – 2:1. Zrešty, u dadzienym vypadku ničoha dziŭnaha niama. Heta para supiernikaŭ razhladałasia jak samaja niepradkazalnaja. Darečy, «Viciebsk» budzie adzinaj niestaličnaj kamandaj, jakaja vyjšła ŭ čaćviorku macniejšych.
Napiaredadni ž miescy ŭ paŭfinałach zarezervavali za saboj mienskija «Kieramin» i «Junactva». «Drakony», jakija ciaham usiaho rehularnaha sezonu lidziravali ŭ ekstralizie, upeŭniena pieramahli «Nioman» (Horadnia) – 3:0. «Chimik-SKA», u svaju čarhu, papiŭ krychu bolej kryvi «Junactvu», ale na sensacyju nie spadobiŭsia – 1:3.
Takim čynam u paŭfinałach zhulajuć: «Kieramin» – «Viciebsk», «Dynama» – «Junactva». Seryi projduć da troch pieramoh. Matčy adbuducca 20, 21, 24 sakavika, a kali spatrebicca, to jašče 25 i 27 sakavika. Finał pačniecca 29 sakavika.
