Paśla akcyi pamiaci ŭ Kurapackim lesie milicyjanty spynili aŭtamabil, u jakim jechali Aleś Makajeŭ, Viačasłaŭ Siŭčyk, Nina Bahinskaja, Alena Taŭstaja i Andrej Daškievič.
Padčas siońniašniaj akcyi ŭ Kurapatach
«Znajšli, što nie prajšoŭ techahlad, niaspraŭnaja fara… Miarkuju, hetuju pravierku zładzili nievypadkova. Pakul usie tut, nikoha nie adpuskajuć, składajuć pratakoły», — paviedamiŭ karespandentu Svabody pradprymalnik, adzin z arhanizataraŭ akcyi Aleś Makajeŭ.
Udzielnica akcyi ŭ Kurapatach Hanna Šapućka taksama paviedamiła pra hrupu nieviadomych u cyvilnym, jakija nazirali za akcyjaj i pry hetym pavodzili siabie vielmi ahresiŭna.
Taksama na vyjeździe z Kurapackaha lesu ŭ bok «Bulbaš-chołu» supracoŭniki DAI spynili aŭtamabil aktyvista Jaŭhiena Batury. «Pieraryli ŭsio, navat pad dyvanki zazirnuli, ale pakul ničoha nie znajšli, da čaho pryčapicca. Ale nie adpuskajuć», — paviedamiŭ Jaŭhien Batura.
Pobač ź im spynieny taksama aŭtamabil jahonaha svajaka. «Jaho taksama praviarajuć», — skazaŭ aktyvist.
Paźniej supracoŭniki DAI adpuścili ŭsich zatrymanych. Pavodle Alesia Makajeva, usiaho inspektary spynili piać aŭtamabilaŭ i najdaŭžej trymali aŭtamabil invalida-vazočnika Juryja Lašenki.
