Dziaržava pavinna stvarać umovy, u jakich sielskahaspadarčyja pradpryjemstvy mahli b raźličvacca za svaje daŭhi, a nie sama raźličvacca za ich, zajaviŭ vice-premjer Michaił Rusy, adkazvajučy na pytańni parłamientaryjaŭ na sumiesnym pasiadžeńni pałaty pradstaŭnikoŭ i savieta respubliki 30 kastryčnika ŭ Minsku.
Jon paviedamiŭ, što ciapier rychtujecca prajekt ukaza, jaki praduhledžvaje restrukturyzacyju zapazyčanaściaŭ sielhaspradpryjemstvaŭ. «Ale ničoha śpisvacca nie budzie, usio pavinna viartacca. Moža paźniej — praź piać-siem hadoŭ, na praciahu 10 hadoŭ. Ale heta ŭsio pavinna być viernuta», — padkreśliŭ Rusy.
Vice-premjer taksama adznačyŭ, što ŭ rabocie nad prajektam ukaza «zastałasia jaho šlifoŭka i dakład kiraŭniku dziaržavy».
0
0
0
0
0
0
