AAT «Biełaruśkalij» u suviazi z ramontam paciarpiełaha z-za avaryi abstalavańnia skaračaje vytvorčaść pradukcyi, havorycca ŭ sumiesnaj zajavie pradpryjemstva i AAT «Biełaruskaja kalijnaja kampanija».
U zajavie nahadvajecca, što 26 kastryčnika na čaćviortym rudaŭpraŭleńni AAT «Biełaruśkalij» zdaryłasia razbureńnie mietałakanstrukcyj kanviejernaj halerei. Pryčyny zdareńnia vyśviatlajucca, paciarpiełych niama. «Pazaštatnaja situacyja zdaryłasia praktyčna napiaredadni zapłanavanaha štohadovaha spynieńnia hetaha rudaŭpraŭleńnia na kapitalny ramont. Z ulikam płanavych ramontnych rabot, a taksama rabot pa adnaŭleńni kanstrukcyj halerei rudaŭpraŭleńnie budzie spynienaje na try-čatyry tydni», — havorycca ŭ zajavie.
Na čaćviortym rudaŭpraŭleńni vyrablajecca bieły chłorysty kalij, štomiesiačny abjom vytvorčaści składaje kala 280 tysiač ton. «Adpaviedna, dastupnaść hetaha praduktu dla rynku budzie abmiežavanaja na čas praviadzieńnia ramontnych rabot», — zaznačajecca ŭ zajavie.
Kalijščyki paviedamlajuć, što bolšaja častka pradukcyi budzie adhružacca ŭ płanavym režymie, a abjomy, jakich nie staje, buduć pastaŭlenyja adrazu paśla adnaŭleńnia pracy rudaŭpraŭleńnia, paviedamili na pradpryjemstvie.
Aprača taho, da kanca hetaha hoda na AAT «Biełaruśkalij» buduć praviedzienyja kapitalnyja prypynačny ramonty na druhim i trecim rudaŭpraŭleńniach (štomiesiačny abjom vytvorčaści 250 tysiač ton na druhim rudaŭpraŭleńni i 270 tysiač ton na trecim). «Bieručy pad uvahu nievysoki najaŭny ŭzrovień popytu, prypynačnyja ramonty praciahnucca ŭ siarednim pa dva-try tydni na kožnym rudaŭpraŭleńni. U suviazi z hetym abjomy vytvorčaści ružovaha chłorystaha kaliju źniziacca, adnak zhadanyja źmieny nie paŭpłyvajuć na vykanańnie kampanijami svaich abaviazacielstvaŭ pa pastaŭkach», — śćviardžajuć u biełaruskich kampanijach.
«Takim čynam, my zachoŭvajem abnarodavanyja raniej prahnoznyja pakazčyki pa eksparcie biełaruskaha kaliju ŭ 2015 hodzie na ŭzroŭni 9 młn. ton. Uličvajučy nizkuju aktyŭnaść rynku, my miarkujem, što skaračeńnie abjomaŭ stanoŭča paŭpłyvaje na bałans popytu i prapanovy ŭ 4-m kvartale 2015 hoda», — reziumujecca ŭ zajavie.
