Dziaržsakratar ZŠA Džon Kiery vystupiŭ za nadańnie Danbasu śpiecyjalnaha statusu. Pra heta jon zajaviŭ u intervju telekanału «Mir».
«Danbasu pavinien być nadadzieny asablivy status, a ciažkaje ŭzbrajeńnie — adviedziena», — zajaviŭ Kery. Akramia taho, jon ličyć, što razam z advodam ciažkaha ŭzbrajeńnia mižnarodnyja miežy pavinny zastavacca niedatykalnymi. Taksama ABSIE pavinna być dapuščana da manitorynhu situacyi, kab mižnarodnyja naziralniki mahli prysutničać na vybarach, jakija pavinny buduć pravodzicca ŭ adpaviednaści z ukrainskimi zakonami.
«Usio heta pavinna adbycca, i tady sankcyi buduć źniatyja, tady my zmožam viarnucca da adnosin, jakija, ja spadziajusia, pojduć na karyść ludziam Ukrainy i źniziać napružańnie, jakoje isnuje na praciahu apošniaj pary hadoŭ», — zajaviŭ dziaržsakratar ZŠA.
«Ale na samaj spravie heta pytańnie pahadnieńnia. Minskaje pahadnieńnie było dasiahnuta. Jano patrabuje peŭnych dziejańniaŭ z usich bakoŭ», — padkreśliŭ jon.
