Dobra viadomy i doŭhačakany kalandar «Nie maŭčy pa-biełarusku!» ad kampanii «Budźma biełarusami!» na novy 2016 hod užo ŭ kniharniach!
366 (bo 2016 – vysakosny) admietnych biełaruskich słovazłučeńniaŭ u viasiołych malunkach mastački Darji Mandzik čakajuć vas pad novaj vokładkaj kalendara «Nie maŭčy pa-biełarusku!» ad «Budźmy!»
«Padobny kalandar na 2015 hod byŭ vielmi stanoŭča acenieny čytačami. Pra heta śviedčyŭ vysoki popyt na jaho ŭ kniharniach. Naturalna,nam prychodzili prośby jaho pieravydać. Vielmi pryjemna, što i drukavanaja, i mabilnaja viersii kalendara byli adznačanyja prafiesijnym žury na fiestyvali «Adnak» i atrymali pryzavyja miescy, – kamientuje Alena Makoŭskaja, kaardynatar kampanii «Budźma biełarusami!». – Dumajem, što sakret pośpiechu — i ŭ viasiołym pryvabnym dyzajnie, i ŭ cikavaj padborcy słovaŭ, što nadaje kalendaru i adukacyjny efiekt. Naš kalandar i dla dziaciej, i dla darosłych! Tamu my vyrašyli vydać kalandar i na 2016 hod, dapoŭniŭšy jaho novymi cikavostkami».
Dyzajnier Anatol Łazar (studyja «Adliha»), aŭtar idei kalendara, dadaje:
«Minułahodniaje vydańnie kalendara było takim udałym i papularnym, što ryzykavać hetym praz pošuki novych form my, naturalna, nie stali i padrychtavali anałahičnaje vydańnie z aktualizacyjaj na novy 2016 hod. Jak kažuć: «Nie hani Boha ŭ les, kali ŭ chatu ŭlez»:) Ale novyja słovy, malunki i prymaŭki u im taksama jość».
Pa słovach Darji Mandzik, aŭtarki malunkaŭ, ideja kalendara i prajekta ahułam jašče nadoŭha zastaniecca aktualnaj:
«Navizna prajekta satrecca, kali kožny z nas zmoža biez zapinki nazvać usie navakolnyja rečy pa-biełarusku. Ja budu radaja, kali novy tyraž trapić da tych, kamu nie chapiła minułaha. A astatnim zyču paŭtornaj asałody i ŭvahi, kab znajści dla siabie niešta novaje!»
Adznačym taksama, što mabilnaja viersija kalendara, jakuju śpiecyjalna dla kampanii «Budźma biełarusami!» zrabiła i adaptavała na 2016 hod Studyja Ihara Nazaranki, dasiažnaja dla biaspłatnaha skačvańnia pa spasyłkach: dla iOS i dla Android.
A drukavanaje vydańnie vy ŭžo možacie znajści ŭ biełaruskich kramach.
Nie maŭčym pa-biełarusku razam!
Adrasy kniharniaŭ u Minsku:
«Akademkniha» (pr-t Niezaležnaści, 72), kniharnia «łohvinaŬ» (pr-t Niezaležnaści, 37A), «Knižnaja šafa» (pr. Dziaržynskaha, 9), «Kniharnia piśmieńnika» (vuł. Kazłova, 2), «Viedy» (vuł. K.Marksa, 36), «Śvietač» (pr-t Pieramožcaŭ, 11), «Centralny knižny» (pr-t Niezaležnaści, 19), «Knihi & knižački» (pr-t Niezaležnaści, 14), Knižnaja vystava-kirmaš «Mir knih» (vuł. Janki Kupały, 27), «Eŭryka» (vuł. Kujbyšava, 75).
U rehijonach:
h. Viciebsk («Śvietač», vuł. Kirava, 10), h. Harodnia («Pramietej», vuł. Savieckaja, 10), h. Bieraście («Iskra», vuł. Puškinskaja, 4), h. Lida («Knižny śviet», pr. Pieramohi, 33), h. Maładziečna («Spadčyna», vuł. Prytyckaha, 7), h. Navapołack («Dom knihi», vuł. Maładziožnaja, 145; «Uschod», vuł. Kirava, 4), h. Połack («Śvietač», vuł. Kamunistyčnaja, 21), h. Salihorsk («Krynica», vuł. Lenina, 49), h. Pinsk («Połymia», vuł. Lenina, 4a).
Šukajcie taksama ŭ internet-kramach knihi.by i imbryk.by!
