U listapadzie možna čaściej hladzieć u načnoje nieba — miesiac budzie bahaty na zorkapady.
Fota Viktara Małyščyca
Tak, z 5 pa 12 listapada možna budzie nazirać mieteorny patok Taŭrydy. Heta šlejfy mieteornych čaścic, jakija vydzielilisia z kamiety Enkie i čyje arbity z časam źmianilisia tak, što ciapier pierasiakajucca z arbitaj Ziamli. Za hadzinu možna budzie ŭbačyć tolki 10 «źničak», ale ŭspyški mohuć być vielmi jarkimi i pryhožymi. Maksimalny lik mieteoraŭ budzie padać u noč z 5 na 6 listapada i z 12 na 13 listapada.
12 i 13 listapada taksama mahčyma źjaŭleńnie na načnym niebie mieteoraŭ z patoku Piehasid. Heta reštki kamiety Banplejna, jakuju ŭ apošni raz nazirali ŭ 1819 hodzie. Zorkapad lepš za ŭsio možna budzie razhledzieć kala 22.00.
Z 9 pa 10 listapada čakajecca «zorny doždž» ź mieteornaha patoku Cefieidy. Intensiŭnaść nie bolš za 20 mieteoraŭ na hadzinu. Źjaŭleńnie mieteoraŭ možna čakać adrazu paśla zachodu sonca.
14 i 15 listapada budzie słaby strumień Andramiedzidy, a 17 i 18 listapada — maksimalnaja intensiŭnaść patoku Leanidy. Sioleta Miesiac nie pieraškodzić nazirańniam za hetymi mieteorami.
