Upraŭleńnie Śledčaha kamiteta pa Minsku zaviaršyła rasśledavańnie kryminalnaj spravy, raspačataj u dačynieńni da 29-hadovaha maładoha čałavieka, jaki zabiŭ u Zavodskim rajonie stalicy 34-hadovaha mužčynu, paviedamlaje pres-słužba Śledčaha kamiteta.
Śledčyja ŭstanavili, što ŭ červieni hetaha hoda žychar Puchavickaha rajona poźnim viečaram sustreŭ na prypynku hramadskaha transpartu minčuka, jaki viartaŭsia z pracy, i prapanavaŭ vypić. Mužčyna, jaki ažaniŭsia za try dni da taho, dyj zhadziŭsia. Pili jany ŭ biaźludnym miescy. Złodziej pryhledzieŭ na maładym piarścionak i čatyry razy ŭdaryŭ mužčynu nažom u šyju, biŭ kamieniem. Mužčyna ad ranaŭ pamior na miescy.
Złamyśnik źniaŭ z zabitaha załaty piarścionak i abmianiaŭ jaho kala susiedniaj kramy na dźvie butelki piva, 150 tysiač rubloŭ i 10 dalaraŭ.
Pravaachoŭniki apieratyŭna vyśvietlili asobu zabojcy i praviali zatrymańnie. Abvinavačany pryznaŭsia ŭ zroblenym, i raskazaŭ, što źviarnuŭ uvahu na piarścionak maładoha padčas pajezdki ŭ aŭtobusie, tam i paznajomiŭsia z achviaraj.
Dziejańni zładzieja kvalifikavanyja jak zabojstva, ździejśnienaje z asablivaj žorstkaściu, spałučanaje z razbojem.
Kryminalnaja sprava pieradadziena prakuroru dla nakiravańnia ŭ sud.
