Kamisija Suśvietnaha antydopinhavaha ahienctva (WADA) rekamiendavała Mižnarodnaj asacyjacyi lohkaatletyčnych fiederacyj (IAAF) dyskvalifikavać Usierasijskuju fiederacyju lohkaj atletyki (UFŁA) za sistematyčnyja parušeńni, źviazanyja z užyvańniem dopinhu spartoŭcami.
U tym vypadku, kali dziejnaść nacyjanalnaj lohkaatletyčnaj fiederacyi budzie pryznanaja niesapraŭdnaj, spartsmieny z Rasii nie zmohuć pryniać udzieł u letnich Alimpijskich hulniach 2016 hoda, jakija projduć u Rya-de-Žaniejra.
Jak havorycca ŭ niezaležnaj spravazdačy ahienctva, maskoŭskuju antydopinhavuju łabaratoryju nieabchodna pazbavić licenzii, pakolki jana nie moža «pracavać niezaležna». Pry hetym členy kamisii abvinavačvajuć FSB Rasii ŭ «pramym zapałochvańni i ŭmiašańni» u pabudovu sistemy pryjomu dopinhu.
Kamisija taksama śćviardžaje, što manipulacyi z dopinh-probami rasijskich lohkaatletaŭ pravodzilisia pa zahadzie ministra sportu Rasii Vitala Mutko. Sam Mutko na zapyt kamisii WADA abvierh usie abvinavačvańni ŭ svajoj adras, uklučajučy cisk pradstaŭnikoŭ FSB na dopinh-aficeraŭ.
Dakład WADA zasnavany na vynikach ułasnaha rasśledavańnia, pačataha paśla vychadu ŭ śniežni 2014 filma pra masavaje ŭžyvańnie dopinhu rasijskimi lohkaatletami na niamieckim telebačańni. Aŭtary filma abvinavacili taksama Mižnarodnuju asacyjacyju lohkaatletyčnych fiederacyj va ŭkryvalnictvie złoŭžyvańniaŭ z boku Rasii.
Va UFŁA nazyvali hetyja abvinavačvańni chłuśnioj.