Ukrainie chopić apłačanaha hazu tolki na čatyry dni, zajaviŭ kiraŭnik «Hazproma» Alaksiej Miler.
Ukraina skaraciła abjomy zakupki rasijskaha hazu da 10 młn kub m u sutki, dadaŭ jon, paviedamlaje tass.ru.
Raniej paviedamlałasia, što z pačatku listapada Ukraina amal u try razy skaraciła spažyvańnie rasijskaha hazu.
U vieraśni ŭ chodzie trochbakovych pieramovaŭ pamiž ES, Ukrainaj i Rasijaj, baki pryjšli da pahadnieńnia, što RF budzie pradastaŭlać Ukrainie ŭ zimovy pieryjad z 1 kastryčnika 2015 hoda pa 31 sakavika 2016 źnižku na štokvartalnaj asnovie, a kančatkovaja cana rasijskaha hazu dla Ukrainy ŭ čaćviortym kvartale 2015 składzie 232 dalary za tysiaču kubamietraŭ.
Pry hetym Jeŭrasajuz pahadziŭsia vydzielić bolš za 500 młn dalaraŭ dla zapampoŭki 2 młrd kubamietraŭ hazu ŭ padziemnyja schoviščy Ukrainy.
